کلام

عاشق نقاب جلوۂ جانانہ چاہیے فانوس شمع کو پر پروانہ چاہیے

وحشت کہاں کہ بے خودی انشا کرے کوئی ہستی کو لفظ معنی عنقا کرے کوئی

کس کا خیال آئنۂ انتظار تھا ہر برگ گل کے پردے میں دل بے قرار تھا

اے خوشا وقتے کہ ساقی یک خمستاں وا کرے تار و پود فرش محفل پنبۂ مینا کرے

ضعف جنوں کو وقت تپش در بھی دور تھا اک گھر میں مختصر سا بیاباں ضرور تھا

شب کہ ذوق گفتگو سے تیری دل بیتاب تھا شوخی وحشت سے افسانہ فسون خواب تھا

فرصت آئینہ صد رنگ خود آرائی ہے روز و شب یک کف افسوس تماشائی ہے

نالۂ دل میں شب انداز اثر نایاب تھا تھا سپند بزم وصل غیر گو بے تاب تھا

عالم جہاں بعرض بساط وجود تھا جوں صبح چاک جیب مجھے تار و پود تھا

تسکیں کو ہم نہ روئیں جو ذوق نظر ملے حوران خلد میں تری صورت مگر ملے

ذکر میرا بہ بدی بھی اسے منظور نہیں غیر کی بات بگڑ جائے تو کچھ دور نہیں

تیرے توسن کو صبا باندھتے ہیں ہم بھی مضموں کی ہوا باندھتے ہیں

ذکر اس پری وش کا اور پھر بیاں اپنا بن گیا رقیب آخر تھا جو رازداں اپنا

تم اپنے شکوے کی باتیں نہ کھود کھود کے پوچھو حذر کرو مرے دل سے کہ اس میں آگ دبی ہے

ظلمت کدے میں میرے شب غم کا جوش ہے اک شمع ہے دلیل سحر سو خموش ہے

تم جانو تم کو غیر سے جو رسم و راہ ہو مجھ کو بھی پوچھتے رہو تو کیا گناہ ہو

تو دوست کسو کا بھی ستم گر نہ ہوا تھا اوروں پہ ہے وہ ظلم کہ مجھ پر نہ ہوا تھا

اس بزم میں مجھے نہیں بنتی حیا کیے بیٹھا رہا اگرچہ اشارے ہوا کیے

وارستہ اس سے ہیں کہ محبت ہی کیوں نہ ہو کیجے ہمارے ساتھ عداوت ہی کیوں نہ ہو

شب خمار شوق ساقی رستخیز اندازہ تھا تامحیط بادہ صورت خانۂ خمیازہ تھا

وہ آ کے خواب میں تسکین اضطراب تو دے ولے مجھے تپش دل مجال خواب تو دے

شب کہ برق سوز دل سے زہرۂ ابر آب تھا شعلۂ جوالہ ہر یک حلقۂ گرداب تھا

وہ فراق اور وہ وصال کہاں وہ شب و روز و ماہ و سال کہاں

شبنم بہ گل لالہ نہ خالی ز ادا ہے داغ دل بے درد نظر گاہ حیا ہے