Poetry

miltī hai ḳhū-e-yār se naar iltihāb meñ kāfir huuñ gar na miltī ho rāhat azaab meñ

koī ummīd bar nahīñ aatī koī sūrat nazar nahīñ aatī

mirī hastī fazā-e-hairat ābād-e-tamannā hai jise kahte haiñ naala vo usī aalam kā anqā hai

kyā tañg ham sitam-zadagāñ kā jahān hai jis meñ ki ek baiza-e-mor āsmān hai

muddat huī hai yaar ko mehmāñ kiye hue josh-e-qadah se bazm charāġhāñ kiye hue

kyuuñ jal gayā na tāb-e-ruḳh-e-yār dekh kar jaltā huuñ apnī tāqat-e-dīdār dekh kar

muzhda ai zauq-e-asīrī ki nazar aatā hai dām-e-ḳhālī qafas-e-murġh-e-giraftār ke paas

lāzim thā ki dekho mirā rastā koī din aur tanhā ga.e kyuuñ ab raho tanhā koī din aur

na gul-e-naġhma huuñ na parda-e-sāz maiñ huuñ apnī shikast kī āvāz

lab-e-ḳhushk dar-tishnagī-murdagāñ kā ziyārat-kada huuñ dil-āzurdagāñ kā

na hogā yak-bayābāñ māñdgī se zauq kam merā habāb-e-mauja-e-raftār hai naqsh-e-qadam merā

laraztā hai mirā dil zahmat-e-mehr-e-daraḳhshāñ par maiñ huuñ vo qatra-e-shabnam ki ho ḳhār-e-bayābāñ par

na huī gar mire marne se tasallī na sahī imtihāñ aur bhī baaqī ho to ye bhī na sahī

latāfat be-kasāfat jalva paidā kar nahīñ saktī chaman zañgār hai ā.īna-e-bād-e-bahārī kā

na leve gar ḳhas-e-jauhar tarāvat sabza-e-ḳhat se lagā.e ḳhāna-e-ā.īna meñ rū-e-nigār ātish

luuñ vaam baḳht-e-ḳhufta se yak-ḳhvāb-e-ḳhush vale 'ġhālib' ye ḳhauf hai ki kahāñ se adā karūñ

māna-e-dasht-navardī koī tadbīr nahīñ ek chakkar hai mire paañv meñ zanjīr nahīñ

kahte ho na deñge ham dil agar paḌā paayā dil kahāñ ki gum kiije ham ne mudda.ā paayā

mahram nahīñ hai tū hī navā-hā-e-rāz kā yaañ varna jo hijāb hai parda hai saaz kā

kahte to ho tum sab ki but-e-ġhāliyā-mū aa.e yak martaba ghabrā ke kaho koī ki vo aa.e

manzūr thī ye shakl tajallī ko nuur kī qismat khulī tire qad-o-ruḳh se zuhūr kī

kahūñ jo haal to kahte ho mudda.ā kahiye tumhīñ kaho ki jo tum yuuñ kaho to kyā kahiye

masjid ke zer-e-sāya ḳharābāt chāhiye bhauñ paas aañkh qibla-e-hājāt chāhiye

kal ke liye kar aaj na ḳhissat sharāb meñ ye sū-e-zan hai sāqi-e-kausar ke baab meñ