Poetry

باغ تجھ بن گل نرگس سے ڈراتا ہے مجھے چاہوں گر سیر چمن آنکھ دکھاتا ہے مجھے

آئی اگر بلا تو جگہ سے ٹلے نہیں ایراہی دے کے ہم نے بچایا ہے کشت کو

آئے ہیں پارہ ہائے جگر درمیان اشک لایا ہے لعل بیش بہا کاروان اشک

کارخانے سے جنوں کے بھی میں عریاں نکلا میری قسمت کا نہ ایک آدھ گریباں نکلا

بقدر لفظ و معنی فکرت احرام گریباں ہیں وگر نہ کیجیے جو ذرہ عریاں ہم نمایاں ہیں

تا چند ناز مسجد و بت خانہ کھینچیے جوں شمع دل بخلوت جانا نہ کھینچیے

سرشک آشفتہ سر تھا قطرہ زن مژگا ں سے جانے میں رہے یاں شوخی رفتار سے پا آستانے میں

اے نوا ساز تماشا سربکف جلتا ہوں میں یک طرف جلتا ہے دل اور یک طرف جلتا ہوں میں

پھونکتا ہے نالہ ہر شب صور اسرافیل کی ہم کو جلدی ہے مگر تو نے قیامت ڈھیل کی

عالم جہاں بعرض بساط وجود تھا جوں صبح چاک جیب مجھے تار و پود تھا

دل ہی نہیں کہ منت درباں اٹھائیے کس کو وفا کا سلسلہ جنباں اٹھائیے

آنسو کہوں کہ آہ سوار ہوا کہوں ایسا عناں گسیختہ آیا کہ کیا کہوں

ہے ترحم آفریں آرایش بیداد یاں اشک چشم دام ہے ہر دانۂ صیاد یاں

maiñ huuñ mushtāq-e-jafā mujh pe jafā aur sahī tum ho bedād se ḳhush is se sivā aur sahī

آپ نے مسنی الضر کہا ہے تو سہی یہ بھی یا حضرت ایوب گلا ہے تو سہی

سوداے عشق سے دم سرد کشیدہ ہوں شام خیال زلف سے صبح دمیدہ ہوں

ہے بہاراں میں خزاں حاصل خیال عندلیب رنگ گل آتش کدہ ہے زیر بال عندلیب

شکل طاؤس گرفتار بنایا ہے مجھے ہوں وہ گلدام کہ سبزے میں چھپایا ہے مجھے

تشنۂ خون تماشا جو وہ پانی مانگے آئنہ رخصت انداز روانی مانگے

اپنا احوال دل زار کہوں یا نہ کہوں ہے حیا مانع اظہار کہوں یا نہ کہوں

لطف نظارۂ قاتل دم بسمل آئے جان جائے تو بلا سے پہ کہیں دل آئے

بس کہ زیر خاک با آب طراوت راہ ہے ریشے سے ہر تخم کا دلو اندرون چاہ ہے

شب وصال میں مونس گیا ہے بن تکیہ ہوا ہے موجب آرام جان و تن تکیہ

کب فقیروں کو رسائی بت مے خوار کے پاس تو بتے بو دیجیے میخانے کی دیوار کے پاس