Poetry

vo firāq aur vo visāl kahāñ vo shab-o-roz o māh-o-sāl kahāñ

shabnam ba-gul-e-lāla na ḳhālī z-adā hai dāġh-e-dil-e-bedard nazar-gāh-e-hayā hai

vo mirī chīn-e-jabīñ se ġham-e-pinhāñ samjhā rāz-e-maktūb ba-be-rabti-e-unvāñ samjhā

shauq har rañg raqīb-e-sar-o-sāmāñ niklā qais tasvīr ke parde meñ bhī uryāñ niklā

vus.at-e-sa.i-e-karam dekh ki sar-tā-sar-e-ḳhāk guzre hai ābla-pā abr-e-guhar-bār hunūz

shikve ke naam se be-mehr ḳhafā hotā hai ye bhī mat kah ki jo kahiye to gila hotā hai

yaad hai shādī meñ bhī hañgāma-e-yā-rab mujhe sub.ha-e-zāhid huā hai ḳhanda zer-e-lab mujhe

sīmāb-pusht garmi-e-ā.īna de hai ham hairāñ kiye hue haiñ dil-e-be-qarār ke

yak-zarra-e-zamīñ nahīñ be-kār baaġh kā yaañ jaada bhī fatīla hai laale ke daaġh kā

siyāhī jaise gir jaa.e dam-e-tahrīr kāġhaz par mirī qismat meñ yuuñ tasvīr hai shab-hā-e-hijrāñ kī

ye na thī hamārī qismat ki visāl-e-yār hotā agar aur jiite rahte yahī intizār hotā

surma-e-muft-e-nazar huuñ mirī qīmat ye hai ki rahe chashm-e-ḳharīdār pe ehsāñ merā

zaḳhm par chhiḌkeñ kahāñ tiflān-e-be-parvā namak kyā maza hotā agar patthar meñ bhī hotā namak

naved-e-amn hai bedād-e-dost jaañ ke liye rahī na tarz-e-sitam koī āsmāñ ke liye

ruḳh-e-nigār se hai soz-e-jāvidānī-e-sham.a huī hai ātish-e-gul āb-e-zindagānī-e-sham.a

nikohish hai sazā fariyādi-e-be-dād-e-dilbar kī mabādā ḳhanda-e-dandāñ-numā ho sub.h mahshar kī

sādgī par us kī mar jaane kī hasrat dil meñ hai bas nahīñ chaltā ki phir ḳhanjar kaf-e-qātil meñ hai

nukta-chīñ hai ġham-e-dil us ko sunā.e na bane kyā bane baat jahāñ baat banā.e na bane

sab kahāñ kuchh lāla-o-gul meñ numāyāñ ho ga.iiñ ḳhaak meñ kyā sūrateñ hoñgī ki pinhāñ ho ga.iiñ

pā-ba-dāman ho rahā huuñ bas-ki maiñ sahrā-navard ḳhār-e-pā haiñ jauhar-e-ā.īna-e-zānū mujhe

sad jalva rū-ba-rū hai jo mizhgāñ uThā.iye tāqat kahāñ ki diid kā ehsāñ uThā.iye

pa.e-nazr-e-karam tohfa hai sharm-e-nā-rasā.ī kā ba-ḳhūñ-ġhaltīda-e-sad-rañg da.avā pārsā.ī kā

safā-e-hairat-e-ā.īna hai sāmān-e-zang āḳhir taġhayyur āb-e-bar-jā-māñda kā paatā hai rañg āḳhir

phir huā vaqt ki ho bāl-kushā mauj-e-sharāb de bat-e-mai ko dil-o-dast-e-shanā mauj-e-sharāb