Poetry

sar-gashtagī meñ ālam-e-hastī se yaas hai taskīñ ko de naved ki marne kī aas hai

phir is andāz se bahār aa.ī ki hue mehr-o-mah tamāshā.ī

sarāpā rehn-e-ishq-o-nā-guzīr-e-ulfat-e-hastī ibādat barq kī kartā huuñ aur afsos hāsil kā

phir kuchh ik dil ko be-qarārī hai siina juyā-e-zaḳhm-e-kārī hai

satā.ish-gar hai zāhid is qadar jis bāġh-e-rizvāñ kā vo ik guldasta hai ham be-ḳhudoñ ke tāq-e-nisyāñ kā

phir mujhe dīda-e-tar yaad aayā dil jigar tishna-e-faryād aayā

qafas meñ huuñ gar achchhā bhī na jāneñ mere shevan ko mirā honā burā kyā hai navā-sanjān-e-gulshan ko

naala juz husn-e-talab ai sitam-ījād nahīñ hai taqāzā-e-jafā shikva-e-bedād nahīñ

qatra-e-mai bas-ki hairat se nafas-parvar huā ḳhatt-e-jām-e-mai sarāsar rishta-e-gauhar huā

nafas na anjuman-e-ārzū se bāhar khīñch agar sharāb nahīñ intizār-e-sāġhar khīñch

raftār-e-umr qat-e-rah-e-iztirāb hai is saal ke hisāb ko barq āftāb hai

nahīñ hai zaḳhm koī baḳhiye ke dar-ḳhur mire tan meñ huā hai tār-e-ashk-e-yās rishta chashm-e-sozan meñ

rahā gar koī tā-qayāmat salāmat phir ik roz marnā hai hazrat-salāmat

nahīñ ki mujh ko qayāmat kā e'tiqād nahīñ shab-e-firāq se roz-e-jazā ziyād nahīñ

rahm kar zālim ki kyā būd-e-charāġh-e-kushta hai nabz-e-bīmār-e-vafā dūd-e-charāġh-e-kushta hai

naqsh-e-nāz-e-but-e-tannāz ba-āġhosh-e-raqīb pā-e-tā.ūs pa.e-ḳhāma-e-mānī māñge

rashk kahtā hai ki us kā ġhair se iḳhlās haif aql kahtī hai ki vo be-mehr kis kā āshnā

naqsh fariyādī hai kis kī shoḳhi-e-tahrīr kā kāġhzī hai pairahan har paikar-e-tasvīr kā

rone se aur ishq meñ bebāk ho ga.e dho.e ga.e ham itne ki bas paak ho ga.e

kī vafā ham se to ġhair is ko jafā kahte haiñ hotī aa.ī hai ki achchhoñ ko burā kahte haiñ

maze jahān ke apnī nazar meñ ḳhaak nahīñ sivā.e ḳhūn-e-jigar so jigar meñ ḳhaak nahīñ

kisī ko de ke dil koī navā-sañj-e-fuġhāñ kyuuñ ho na ho jab dil hī siine meñ to phir muñh meñ zabāñ kyuuñ ho

mehrbāñ ho ke bulā lo mujhe chāho jis vaqt maiñ gayā vaqt nahīñ huuñ ki phir aa bhī na sakūñ

koī din gar zindagānī aur hai apne jī meñ ham ne Thānī aur hai