bīm-e-raqīb se nahīñ karte vidā'-e-hosh

bīm–e–raqīb se nahīñ karte vidā'–e–hosh majbūr yaañ talak hue ai iḳhtiyār haif jaltā hai dil ki kyuuñ na ham ik baar jal ga.e ai nā–tamāmi–e–nafas–e–shola–bār haif naama bhī likhte ho to ba–ḳhat–e–ġhubār haif rakhte ho mujh se itnī kudūrat hazār haif besh az nafas butāñ ke karam ne vafā na kī thā mahmil–e–nigāh ba–dosh–e–sharār haif thī mere hī jalāne ko ai āh–e–sho'la–rez ghar par paḌā na ġhair ke koī sharār haif gul chehra hai kisī ḳhafaqānī mizāj kā ghabrā rahī hai bīm–e–ḳhizāñ se bahār haif haiñ mary musht–e–ḳhāk se us ko kudūrateñ paa.ī jagah bhī dil meñ to ho kar ġhubār haif bantā 'asad' maiñ surma–e–chashm–e–rikāb–e–yār aayā na merī ḳhaak pe vo shah–savār haif