chashm-e-ḳhūbāñ ḳhāmushī meñ bhī navā-pardāz hai Mirza Ghalib chashm –e –ḳhūbāñ ḳhāmushī meñ bhī navā –pardāz hai
surma to kahve ki dūd –e –sho .ala –e –āvāz hai
paikar –e –ushshāq sāz –e –tāla –e –nā –sāz hai
naala goyā gardish –e –saiyyāra kī āvāz hai
dast –gāh –e –dīda –e –ḳhūñ –bār –e –majnūñ dekhnā
yak –bayābāñ jalva –e –gul farsh –e –pā –andāz hai
chashm –e –ḳhūbāñ mai –farosh –e –nashshah –zār –e –nāz hai
surma goyā mauj –e –dūd –e –shola –e –āvāz hai
hai sarīr –e –ḳhāma rezish –hā –e –istiqbāl –e –nāz
naama ḳhud paiġhām ko bāl –o –par –e –parvāz hai
sar –navisht –e –iztirāb –anjāmi –e –ulfat na pūchh
nāl –e –ḳhāma ḳhār –ḳhār –e –ḳhātir –e –āġhāz hai
shoḳhi –e –iz .hār ġhair –az –vahshat –e –majnūñ nahīñ
lailā –e –manī 'asad' mahmil –nashīn –e –rāz hai
naġhma hai kānoñ meñ us ke nāla –e –murġh –e –asīr
rishta –e –pā yaañ navā –sāmān –e –band –e –sāz hai
sharm hai tarz –e –talāsh –e –intiḳhāb –e –yak –nigāh
iztirāb –e –chashm barpā doḳhta –ġhammāz hai
Source & attribution User-supplied Urdu corpus: urdu_ghazals_30_poets_multilingual.json. Poet: Mirza Ghalib. Dataset poem: chashm-e-khuubaan-khaamushii-men-bhii-navaa-pardaaz-hai-mirza-ghalib-ghazals. The source credits Rekhta. Roman text is Urdu transliteration, not an English translation.
×