ġhair leñ mahfil meñ bose jaam keMirza GhalibURDENGSave to my libraryCopyText size ġhair leñ mahfil meñ bose jaam ke ham raheñ yuuñ tishna–lab paiġhām ke ḳhastagī kā tum se kyā shikva ki ye hathkanDe haiñ charḳh–e–nīlī–fām ke ḳhat likheñge garche matlab kuchh na ho ham to āshiq haiñ tumhāre naam ke raat pī zamzam pe mai aur sub.h–dam dho.e dhabbe jāma–e–ehrām ke dil ko āñkhoñ ne phañsāyā kyā magar ye bhī halqe haiñ tumhāre daam ke shaah ke hai ġhusl–e–sehhat kī ḳhabar dekhiye kab din phireñ hammām ke ishq ne 'ġhālib' nikammā kar diyā varna ham bhī aadmī the kaam keSource & attributionUser-supplied Urdu corpus: urdu_ghazals_30_poets_multilingual.json. Poet: Mirza Ghalib. Dataset poem: gair-len-mahfil-men-bose-jaam-ke-mirza-ghalib-ghazals. The source credits Rekhta. Roman text is Urdu transliteration, not an English translation.×