hai bazm-e-butāñ meñ suḳhan āzurda-laboñ se

hai bazm–e–butāñ meñ suḳhan āzurda–laboñ se tañg aa.e haiñ ham aise ḳhushāmad–talaboñ se hai daur–e–qadah vaj.h–e–pareshānī–e–sahbā yak–bār lagā do ḳhum–e–mai mere laboñ se rindān–e–dar–e–mai–kada gustāḳh haiñ zāhid zinhār na honā taraf in be–adaboñ se bedād–e–vafā dekh ki jaatī rahī āḳhir har–chand mirī jaan ko thā rabt laboñ se kyā pūchhe hai bar–ḳhud ġhalatī–hā–e–azīzāñ ḳhvārī ko bhī ik aar hai a.ālī–nasaboñ se go tum ko razā–jūī–e–aġhyār hai lekin jaatī hai mulāqāt kab aise sababoñ se mat pūchh 'asad' va.ada–e–kam–fursatī–e–zīst do din bhī jo kaaTe tū qayāmat ta.aboñ se