hai kis qadar halāk –e –fareb –e –vafā –e –gul
bulbul ke kārobār pe haiñ ḳhanda –hā –e –gul
āzādī –e –nasīm mubārak ki har taraf
TuuTe paḌe haiñ halqa –e –dām –e –havā –e –gul
jo thā so mauj –e –rañg ke dhoke meñ mar gayā
ai vaa .e nāla –e –lab –e –ḳhūnīñ –navā –e –gul
ḳhush –hāl us harīf –e –siyah –mast kā ki jo
rakhtā ho misl –e –sāya –e –gul sar –ba –pā –e –gul
ījād kartī hai use tere liye bahār
merā raqīb hai nafas –e –itr –sā –e –gul
sharminda rakhte haiñ mujhe bād –e –bahār se
mīnā –e –be –sharāb o dil –e –be –havā –e –gul
satvat se tere jalva –e –husn –e –ġhuyūr kī
ḳhuuñ hai mirī nigāh meñ rañg –e –adā –e –gul
tere hī jalve kā hai ye dhokā ki aaj tak
be –iḳhtiyār dauḌe hai gul dar –qafā –e –gul
'ġhālib' mujhe hai us se ham –āġhoshī aarzū
jis kā ḳhayāl hai gul –e –jeb –e –qabā –e –gul
dīvānagāñ kā chāra faroġh –e –bahār hai
hai shāḳh –e –gul meñ panja –e –ḳhūbāñ bajā .e gul
mizhgāñ talak rasā .ī –e –laḳht –e –jigar kahāñ
ai vaa .e gar nigāh na ho āshnā –e –gul
Source & attribution User-supplied Urdu corpus: urdu_ghazals_30_poets_multilingual.json. Poet: Mirza Ghalib. Dataset poem: hai-kis-qadar-halaak-e-fareb-e-vafaa-e-gul-mirza-ghalib-ghazals. The source credits Rekhta. Roman text is Urdu transliteration, not an English translation.
×