junūñ tohmat-kash-e-taskīñ na ho gar shādmānī kī

junūñ tohmat–kash–e–taskīñ na ho gar shādmānī kī namak–pāsh–e–ḳharāsh–e–dil hai lazzat zindagānī kī kashākash–hā–e–hastī se kare kyā sa.i–e–āzādī hui zanjīr–e–mauj–e–āb ko fursat ravānī kī pas–az–murdan bhī dīvāna ziyārat–gāh–e–tiflāñ hai sharār–e–sañg ne turbat pe merī gul–fishānī kī na khīñch ai sa.ī–e–dast–e–nā–rasā zulf–e–tamannā ko pareshāñ–tar hai mū–e–ḳhāma se tadbīr maanī kī kahāñ ham bhī rag–o–pai rakhte haiñ insāf behtar hai na khīñche tāqat–e–ḳhamyāza tohmat nā–tavānī kī takalluf–bartaraf farhād aur itnī subuk–dastī ḳhayāl āsāñ thā lekin ḳhvāb–e–ḳhusrav ne girānī kī 'asad' ko boriye meñ dhar ke phūñkā mauj–e–hastī ne faqīrī meñ bhī baaqī hai sharārat naujavānī kī