Poetry

bas-ki dushvār hai har kaam kā āsāñ honā aadmī ko bhī mayassar nahīñ insāñ honā

bazm-e-shāhanshāh meñ ash.ār kā daftar khulā rakhiyo yā rab ye dar-e-ganjīna-e-gauhar khulā

be-e'tidāliyoñ se subuk sab meñ ham hue jitne ziyāda ho ga.e utne hī kam hue

bisāt-e-ijz meñ thā ek dil yak qatra ḳhuuñ vo bhī so rahtā hai ba-andāz-e-chakīdan sar-nigūñ vo bhī

chāhiye achchhoñ ko jitnā chāhiye ye agar chāheñ to phir kyā chāhiye

az-mehr tā-ba-zarra dil-o-dil hai aa.ina tuutī ko shash-jihat se muqābil hai aa.ina

baaġh pā kar ḳhafaqānī ye Darātā hai mujhe sāya-e-shāḳh-e-gul af.ī nazar aatā hai mujhe

bāzīcha-e-atfāl hai duniyā mire aage hotā hai shab-o-roz tamāshā mire aage

bahut sahī ġham-e-gītī sharāb kam kyā hai ġhulām-e-sāqī-e-kausar huuñ mujh ko ġham kyā hai

aa ki mirī jaan ko qarār nahīñ hai tāqat-e-bedād-e-intizār nahīñ hai

aabrū kyā ḳhaak us gul kī ki gulshan meñ nahīñ hai garebāñ nañg-e-pairāhan jo dāman meñ nahīñ

aah ko chāhiye ik umr asar hote tak kaun jiitā hai tirī zulf ke sar hote tak

ā.īna dekh apnā sā muñh le ke rah ga.e sāhab ko dil na dene pe kitnā ġhurūr thā

ā.īna kyuuñ na duuñ ki tamāshā kaheñ jise aisā kahāñ se lā.ūñ ki tujh sā kaheñ jise

āmad-e-ḳhat se huā hai sard jo bāzār-e-dost dūd-e-sham-e-kushta thā shāyad ḳhat-e-ruḳhsār-e-dost

āmad-e-sailāb-e-tūfān-e-sadā-e-āb hai naqsh-e-pā jo kaan meñ rakhtā hai uñglī jaada se

ajab nashāt se jallād ke chale haiñ ham aage ki apne saa.e se sar paañv se hai do qadam aage

arz-e-nāz-e-shoḳhi-e-dandāñ barā.e-ḳhanda hai dāvā-e-jamiyat-e-ahbāb jā-e-ḳhanda hai

arz-e-niyāz-e-ishq ke qābil nahīñ rahā jis dil pe naaz thā mujhe vo dil nahīñ rahā

hazaaron khwaahishen aisi ki har khwaahish pe dam nikle bahut nikle mire armaan lekin phir bhi kam nikle