Poetry

ġham-e-duniyā se gar paa.ī bhī fursat sar uThāne kī falak kā dekhnā taqrīb tere yaad aane kī

ham par jafā se tark-e-vafā kā gumāñ nahīñ ik chheḌ hai vagarna murād imtihāñ nahīñ

dhotā huuñ jab maiñ piine ko us sīm-tan ke paañv rakhtā hai zid se khīñch ke bāhar lagan ke paañv

dīvāngī se dosh pe zunnār bhī nahīñ ya.anī hamāre jeb meñ ik taar bhī nahīñ

dil-e-nādāñ tujhe huā kyā hai āḳhir is dard kī davā kyā hai

dil hī to hai na sañg-o-ḳhisht dard se bhar na aa.e kyuuñ ro.eñge ham hazār baar koī hameñ satā.e kyuuñ

dil lagā kar lag gayā un ko bhī tanhā baiThnā baare apnī bekasī kī ham ne paa.ī daad yaañ

dil mirā soz-e-nihāñ se be-muhābā jal gayā ātish-e-ḳhāmosh kī mānind goyā jal gayā

dil se tirī nigāh jigar tak utar ga.ī donoñ ko ik adā meñ razā-mand kar ga.ī

diyā hai dil agar us ko bashar hai kyā kahiye huā raqīb to ho nāma-bar hai kyā kahiye

dost ġham-ḳhvārī meñ merī sa.ī farmāveñge kyā zaḳhm ke bharte talak nāḳhun na baḌh jāveñge kyā

ek ek qatre kā mujhe denā paḌā hisāb ḳhūn-e-jigar vadī.at-e-mizhgān-e-yār thā

dhamkī meñ mar gayā jo na bāb-e-nabard thā ishq-e-nabard-pesha talabgār-e-mard thā

chaak kī ḳhvāhish agar vahshat ba-uryānī kare sub.h ke mānind zaḳhm-e-dil garebānī kare

chashm-e-ḳhūbāñ ḳhāmushī meñ bhī navā-pardāz hai surma to kahve ki dūd-e-sho.ala-e-āvāz hai

daa.im paḌā huā tire dar par nahīñ huuñ maiñ ḳhaak aisī zindagī pe ki patthar nahīñ huuñ maiñ

dahr meñ naqsh-e-vafā vaj.h-e-tasallī na huā hai ye vo lafz ki sharminda-e-ma.anī na huā

dar-ḳhur-e-qahr-o-ġhazab jab koī ham sā na huā phir ġhalat kyā hai ki ham sā koī paidā na huā

dard minnat-kash-e-davā na huā maiñ na achchhā huā burā na huā

dard se mere hai tujh ko be-qarārī haa.e haa.e kyā huī zālim tirī ġhaflat-shi.ārī haa.e haa.e

dekh kar dar-parda garm-e-dāman-afshānī mujhe kar ga.ī vābasta-e-tan merī uryānī mujhe

dekhnā qismat ki aap apne pe rashk aa jaa.e hai maiñ use dekhūñ bhalā kab mujh se dekhā jaa.e hai

barshikāl-e-girya-e-āshiq hai dekhā chāhiye khil ga.ī mānind-e-gul sau jā se dīvār-e-chaman

bas-ki dushvār hai har kaam kā āsāñ honā aadmī ko bhī mayassar nahīñ insāñ honā